Ruglið í Kela fært í letur

Að frétta

Tue, 16 Dec 2008 22:40:58 GMT

Ég er búinn í þremur lokaprófum. Ég lærði í tvo daga fyrir lögfræðipróf, mætti í einn tíma á önninni og las bara þessa tvo daga og ég held ég nái prófinu. Núna er ég svo þreyttur og ósáttur við hvernig ég er búinn að vera á önninni að ég hef ákveðið að falla í síðasta prófinu svo ég geti tekið það upp almennilega og liðið einsog ég hafi gert eitthvað af viti. Mig langar að vakna á réttum tímum. Þarf líklega að eignast barn til þess að það gangi eftir.

Er í ógeðslega góðu formi, stefni á að vera í ógeðslega góðu formi áfram næstu tvö árin. Er nokkurn veginn tilbúinn fyrir það. Ég birti kannski aðalmarkmiðið hérna seinna.

Ég ætla að batna á næsta ári, ég batnaði ekki alveg nóg á þessu. Ég var latur og hélt í horfinu. Hvað klikkaði? Það klikkaði ekkert, það gerðist bara ekkert. Hvað var það sem átti að gerast? Ekkert sérstakt. Greining: Leti - hörgulsjúkdómur, skortur á skýrari markmiðum.

Jamie Cullum söng, Next Year Baby:
Next year, things are gonna change.
Gonna drink less beer, and start all over again.
Gonna read more books, gonna keep up with the news.
...
Will I do any of these things? The answers probably no.

Raus um hvernig ég er að æfa.

Wed, 19 Nov 2008 04:31:22 GMT

Ég vil ekkert vera að skrifa allar vegalengdir sem ég hleyp hérna, en mig langar að segja smá frá því hvernig ég er að æfa þessa dagana:

Ég fer í ræktina fjórum/fimm sinnum í viku í tvo tíma með Jóa félaga mínum. Helmingurinn af tímanum sem ég er þarna fer í upphitun, teygjur, maga- og bakæfingar og svona vesen. Hinn í að lyfta. Byrjaði með skipulögð prógrömm fyrir 5 vikum síðan: Fyrsta prógrammið var fyrir styrtk: Þá var lyft þrjá daga í röð alveg bunch af æfingum og svo þrír dagar í frí, síðan aftur þrír í lyftingar, þannig í 4vikur. Núna er ég að hefja viku nr. 2 í kraftprógrammi þar sem ég lyfti tvo daga í röð, svo einn frí, og síðan einn hlaupa/maga/bak-dag, lyfti svo næstu tvo daga o.s.frv. Þá eru minni þyngdir en meiri hraði og fleiri endurtekningar. Í dag var bara maga- og bakæfingar, en ég hljóp líka í rúmlega hálftíma:
*4km. á 15:00, sem er 3:45 tempó eða 16km/h.
*vatnspása
*12 mínútur á 13km/h.
* 1 mínúta á 20km/h.
*Skokk á 10km/h. í nokkrar mínútur með valhoppi og þannig rugli.

Quick facts:
*Náði mestu þyngd sem ég hef náð á ævinni á síðustu helgi, en ég veiktist og missti 3 af kílóunum sem ég var búnað ná mér í. Vantar ennþá tvö og hálft.
*Aldrei verið sterkari.
*Aldrei haft meiri hraða.
*Aldrei haft meiri liðleika.
*Ég er andvaka.

Einn svaka lélegur

Sat, 15 Nov 2008 18:51:27 GMT

Hvað kallast endamörk Svíþjóðar í austri? Finnish line.
Já, ég veit alveg að þessi var viðbjóðslega lélegur.

Quote of the day

Tue, 21 Oct 2008 18:04:37 GMT

Real difficulties can be overcome; it is only the imaginary ones that are unconquerable.
Theodore N. Vail

Þúsund orð

Sat, 18 Oct 2008 00:37:45 GMT

13. október

Mon, 13 Oct 2008 06:57:16 GMT

Ég er alveg búnað vera að hlaupa, nenni ekki að skrifa allt inn. En hérna er stikkprufa: 6km. núna klukkan 6:20 (4km. hratt og svo þrír langir sprettir með labbi á milli) - þetta allt saman á 26:43. Meðaltempó 4:27.

Kveðja, Drekaslátrari.

Rakarastofukvartettinn Elmar í Kastljósi í ágúst 2006

Fri, 03 Oct 2008 20:37:05 GMT

http://www.youtube.com/watch?v=nEu5Hq0KYL4

NÆS

Tue, 30 Sep 2008 00:22:24 GMT

Nákvæmlega jafnþungur og jafnstór og.......... Kenenisa Bekele!!!

28. sept.

Sun, 28 Sep 2008 20:07:39 GMT

2x6km. fyrri var fartlek einsog ég lýsti síðast (nema 100m intervals), svo 20 mín. pása og síðan mjúkir 6,0km. á 27:23 sem er tempó 4:34.

Af æfingum

Fri, 26 Sep 2008 01:35:46 GMT

Ég held ég geti sagt að ég sé búnað vera að æfa stíft síðan 5. ágúst. Hef stundað einhverja hreyfingu nánast alla daga síðan þá. Ég er kominn með kort í World Class og það gengur allt skv. áætlun. Í þessari viku er ég búinn að fara þrisvar út að hlaupa, samtals 21km. og tvisvar að lyfta (hlaupið þar samtals 7km), svo ég get sagst hafa hlaupið 28km. í vikunni. Sem er ekkert sérstaklega mikið nema helst að ég er farinn að gera þetta aðeins öðruvísi. Taka spretti og þannig.

Venjulega hlaupaleiðin mín er 5,8 km. (2,9 hvora leið) og ég hef alltaf bara hlaupið hana á jöfnum hraða. Núna hleyp ég úteftir með vaxandi hraða og bakaleiðin er svona "fartlekbraut", sem ég er búnað taka þrisvar í vikunni. Ég var að dunda mér við að merkja hana inná google-mynd: Á myndinni er rautt sprettur, gult skokk og grænt labb.

http://www3.hi.is/~ths33/fartlek.bmp

Hvíldarpúlsinn er búinn að minnka um nokkur slög bara í þessari viku.

Skítaplejs

Wed, 17 Sep 2008 20:12:30 GMT

Á þetta að farað vera svona já? Ef ég hætti mér utandyra, að þú opnir rokrassgatið og frussufretir heilu nóaflóði í hnakkan á mér? Kommon ég þurfti bara að fara útí búð! Reykjavík, þú ert fíbbl! Ég lem þig!

_

Mon, 15 Sep 2008 20:50:53 GMT

Hættu að hafa svona mikið að gera og gerðu eitthvað!

Bestu ferðamennirnir

Mon, 25 Aug 2008 14:02:06 GMT

Ég ætlaði alltaf að segja frá því að ég væri búinn að velja bestu ferðamennina. Þ.e.a.s. ákveðna þjóð: Eftir að hafa unnið í ferðaþjónustu 2 sumur og við rannsóknir núna í sumar hef ég komist að því að langbestu ferðamennirnir eru Hollendingar. Þeir eru svo auðveldir í umgengni, kurteisir, þakklátir, umburðarlyndir og svo kunna þeir ensku álíka vel og Íslendingar. Þeir virðast líka hafa aflað sér mikilla upplýsinga um landið áður en þeir koma og búa því yfir meiri fróðleik og skilningi á landi og þjóð. Þetta var eiginlega rúst! Þessa niðurstöðu byggi ég semsagt einsog áður segir á reynslu minni sem starfsmanni á Hóteli, sögusetri og eftir að hafa talað við um 600 manns uppá hálendi í sumar. Og að sjálfsögðu á fordómum (orsakir þeirra eru mér ekki endilega kunnar). Verstu: Frakkar, Ítalir o.s.frv. Alltaf með vesen, aðeins of svona "high profile" gaurar fyrir minn smekk.

Síðan er ég líka búinn að ákveða hverjir eru bestu gestgjafarnir. Það eru Króatar. Frábærir alveg!

Óvræt.

Brandari

Sun, 24 Aug 2008 01:08:32 GMT

Skil ekki akkurru maður þarf að fara í skóla til að geta orðið þjónn! Það er ekki til starf sem er meira borðleggjandi.

Darius Miles í Celtics!

Fri, 22 Aug 2008 22:36:30 GMT

Kevin Garnett hefur verið uppáhalds körfuboltaleikmaðurinn minn síðan 1996. Hann vann titil með Boston Celtics í vor. Síðan ég byrjaði að halda uppá Kevin Garnett hafa tveir leikmenn komist nálægt því að vera í uppáhaldi hjá mér: Þessir leikmenn eru Monta Ellis hjá Golden State Warriors (sem hefur staðið sig gríðarlega vel síðan hann byrjaði í NBA fyrir 3 árum síðan eða svo) og Darius Miles (sem ég hélt mikið uppá u.þ.b. sem ég var í 10 bekk í grunnskóla). Darius Miles var mjög efnilegur leikmaður þá (fæddur 1981) og ég hafði svakalega gaman af alley-oop troðslunum sem hann negldi niður með kornungu liði Clippers, þar sem spiluðu Elton Brand, Corey Maggette, Quentin Richardson, Michael Olowokandi og Jeff McInnis (allir ungir og efnilegir þá). Þetta lið fór eitthvað í fokk og Miles var skipt til Cleveland og síðan Portland, þar sem hann stóð sig mjög vel í eitt tímabil og meiddist síðan hrottalega. Hann var meiddur í 2 heil tímabil og allir búnir að afskrifa hann vegna þess að hann var þessi "flashy" týpa sem hoppar hátt og gerir fátt annað, líka vegna þess að hann var með "attitute vandamál".

En nú er svo komið að Boston Celtics eru búnir að gera samning við Darius Miles. Mig hefði aldrei grunað að hann ætti séns á comebacki og var búinn að afskrifa hann. En nú er hann með Garnett í Boston. Og ef einhver á að geta komið vitinu fyrir hann þá er það Kevin Garnett, andlegur leiðtogi Celtics. Þannig að ef hann meiðist ekki aftur er alveg séns að hann geti orðið góður. Ég sé svo til hvort hann kemst aftur í uppáhald. Hér er gömul forsíða sports illustrated þar sem Garnett býður ungstirnið Miles velkominn í deildina.

Annars er ég að farað hlaupa 10 km. á morgun. Eða skokka, nenni ekki að vera að keppa of mikið. Held ég nái ekki mínum besta tíma, því ég er búnað hlaupa svo lítið í sumar. Hef verið að æfa reyndar síðustu tvær vikur 2-3 tíma á dag tilað þyngjast og styrkjast. Það dugar varla í gott hlaupaform samt. Ég er eitthvað bilaður ef ég fer undir 40mín.

Ég er farinn heim úr vinnunni!