Ég hef ekkert að segja en...
...léttsveiflukenndur instrumental jazz er bestur þegar maður er að lesa:

John Coltrane - I'm Old Fashioned
Dave Brubeck - When You Wish upon a Star
Ben Webster - Makin' Whoopee
Coleman Hawkins & Ben Webster - You'd Be So Nice to Come Home To
Björn Thoroddsen - Tico Tico
Charlie Parker - Laird Baird
Flís - Kveðjukossinn
Jesper Thilo - Thou Swell
Miles Davis - My Funny Valentine
Oscar Peterson - Moanin'
Oscar Peterson & Stéphane Grappelli - Looking at You
Oscar Peterson Trio & Milt Jackson - Work Song
Stan Getz & The Oscar Peterson Trio - I Want to Be Happy
Guðmundur Ingólfsson-Blús fyrir Birnu

Það er nú ekki víst að allir hafi áhuga á þessu. En ég held að það sé miklu betra að hlusta á eitthvað svona heldur en tónlist með söng eða of miklum látum. Söngurinn hefur þau áhrif á mann að maður fer að hugsa um textann og truflast í lestrinum. Of mikil læti trufla líka.

Kv. Keli

Hafa ekki allir heyrt kennara sína eða foreldra segja þessa setningu: „Þú ert ekki að læra fyrir mig, þú ert að læra fyrir sjálfan þig“. Ég komst um daginn að því að þessi fullyrðing er röng. Auðvitað er maður að læra fyrir sjálfan sig, en maður er líka að læra fyrir kennarana sína og foreldra sína.

Eitt af því sem foreldrar ættu að láta sig mestu skipta er hvernig börnum þeirra vegnar í lífinu. Það getur líka virkað hvetjandi að hugsa að maður geti launað foreldrum sínum tilvistina með því að þau sjái mann verða að þroskuðum einstaklingi. Nám er ein leið til að þroskast.

Kennarar vilja líka auðvitað sjá nemendur sína þroskast, svo þeim finnist vinna þeirra hafa einhvern tilgang. Þeir vilja líka uppskera einsog þeir sáðu. Maður er líka að læra fyrir þá.

Ég segi einsog The Streets: Stop me if I'm wrong, stop me if I'm wrong...

Í dag var helmingi erfiðara að fletta Morgunblaðinu en venjulega. Ástæðan var sú að önnur hver blaðsíða var heilsíðuauglýsing fyrir sjálfstæðismenn sem vilja komast á þing. Ég er ógeðslega pirraður á þessum risastóru auglýsingum. Er þetta keppni í hver er með stærstu auglýsinguna, einhver efnishyggja í gangi?

Ég hélt að stjórnmálamenn ættu að sannfæra kjósendur sína um að þeir geti komið málefnum á framfæri og vinna þannig traust flokksmanna sinna. Í staðinn er mynd af skælbrosandi smettum troðið uppí andlitið á manni svo manni svelgist á kaffinu! Ég gat ekki séð að neinn þessara einstaklinga hefði einhverja ákveðna stefnu. Ég sá bara jakkaföt, dragtir og hvítar tennur. Bráðum verður þetta þannig að við fáum sleikjó og karamellur inn um bréfalúguna á morgnanna í boði Guðfinnu S. Bjarnadóttur.

Fokking drasl.

Vindurinn röltir sæll milli algrænna laufanna.
honum er hlýtt, sólin er að brosa til hans.
Ég ligg og hlusta á fótatakið
og gangstéttin faðmar mig að sér.

Neinei, það er bara skítaveður einsog venjulega. Ég held mig innandyra en er að spá í að verða mér úti um kaffidreitil. Ég var að vinna í gærkveldi í Borgarnesi. Síðasta Mr. Skallagrímsson sýningin í bili. Mér líst mjög vel á næstu sýningu sem verður í Landnámssetrinu. Líklega segi ég seinna frá henni.

gaur

Nú er loksins farið að reyna á mann í þessu námi. Það er svoldið að verið að bæta við verkefnum og umfang þeirra smámsaman eykst. Mér finnst þetta þægilegt vegna þess að pressa af þessu tagi virkar hvetjandi á mig. Nú þarf ég að skipuleggja mig betur, vakna fyrr og minnka hlutfall almenns andleysis í daglega lífinu. Fleiri þættir tilverunnar virðast auðveldari fyrir vikið. Mér líst vel á þetta. Þetta var einmitt það sem ég var að vona að myndi gerast, þegar ég skráði mig á tónvinnslunámskeið og í háskóla: Að ég myndi neyðast til að skipuleggja mig aðeins.

Þegar á reynir er ég nefnilega fínn í að skipuleggja mig. Vinn verkin á skilvirkan hátt og fer létt með hluti. En þegar lítið reynir á þessa skipulagshæfileika er einsog allt sé vesen, þó það sé ekki mikið verk. Þá hef ég ekki yfirsýn yfir hvað ég á eftir að gera. Ég lít á hlutina einsog ég megi við því að gera þá síðar, vegna þess að þeir eru svo litlir og ómerkilegir. Þá endar bara með því að allur þessi tími sem ég hafði til stefnu er orðinn að engu og verkin eru unnin í snarhasti í snarkasti.

Alltaf er maður að læra.

Og Alheimssálin verðlaunaði manninn fyrir gott framtak: Ég las moggann upp til agna áðan. Og rétt áður en ég lokaði honum, sáttur við þann sannleika sem hann hafði fært mér, birti hún mér verðlaun í stjörnuspekisdálkinum:

„Dagurinn verður frábær fyrir einkalífið en kannski ekki jafnstórkostlegur fyrir peningamálin - til styttri tíma litið. En eins og alltaf borgar það sig til lengri tíma að fjárfesta í sjálfum sér".

Já, alltaf borgar það sig til lengri tíma að fjárfesta í sjálfum sér.

Það er gaman að velta fyrir sér innihaldi textans með síðasta bloggpistil minn til hliðsjónar. Haldiði að heimurinn umbuni manni með þessum hætti eða er þetta bara svona tilviljun? Búum við kannski öll yfir heilögum sannleik og fáum verðlaun fyrir að sýna hann öðrum?

Ég veit það ekki, en mig grunar ýmislegt...

Jæja, best að leggja ykkur lífsreglur í fjármálum. Sjálfur er ég á hvínandi kúpunni en ég veit að ég mun hafa það sæmilegt einhverntíman, hef ekki áhyggjur af því. En til hvers eru peningar? Þeir eru auðvitað til þess að maður geti keypt sér mat, svo maður deyji ekki. En hvað gerir maður við peningana sem verða afgangs?

Lífið snýst um að vera og gera,
ekki um að eiga og eignast.

Ekki kaupa ykkur flottara drasl ef það sem þið eigið virkar. Fjárfestið í að gera ykkur betri á sem flestum sviðum. Ferðist, farið á námskeið eða eitthvað. Maður verður líka að átta sig á því hvenær maður á nóg. Sumir vinna alla daga ævi sinnar til að geta átt fyrir einhverju en gleyma að njóta þess þegar þeir hafa eignast það og fara að þræla fyrir einhverju öðru. Það meikar ekki sens. Það verður bara að vítahring. Maður verður að muna eftir því að hafa tíma til að geta notið lífsins. Í sama skilningi og maður telst ríkur sem á mörg börn telst maður ríkur sem á nógan tíma fyrir sjálfan sig. Time is money. Ekki eyða öllu monníinu í strit til að eignast eitthvað. Vera og gera, það er málið.

Keli klári ríki/fátæki

Fyst Gíslasynir eru byrjaðir að ljóðanördast þá samdi ég limru.

Gunnar hann geystist úr hlaði
með gosflösku fulla af baði
og demantshring stórann.
Til Dalvíkur fór hann
og gifti sig gaur sem hét Daði.

...

Kaffisopann sýpur ég,
sá er ósköps virði.
Laxárdalur langur er,
liggur að Hrútafirði.

Afi kenndi mér þetta fyrir svona 16-17 árum síðan.
Nú syng ég þennan kaffióð og sýp kaffið sem óður væri.
Café Roma er ósköps virði en er langt frá Hrútafirði.

Haha, þetta var einsog kynning í þættinum Maður er nefndur.

Ég á ekki sérstaklega mikla peninga til að lifa út mánuðinn. Haldiði að ég lifi?

Ég er búinn að semja tvö lög á tveimur dögum. Jafnvel á sama sólarhring. Ég lá andvaka í nótt, teygði mig í tölvuna og skrifaði inn einhverjar nótur í svona klukkutíma. Þegar ég vaknaði mundi ég ekkert hvernig þetta lag var, en þegar ég hlustaði á það áðan þótti mér það býsna gott bara. Grípandi viðlag og eitthvað. Svo var verkefnið í tónvinnsluskólanum í kvöld að búa til partýlag sem við eigum svo að spila á föstudaginn, þegar allur hópurinn hittist. Ég var í tímaþröng með þetta lag en ég er helvíti góður að búa til melódíu, sérstaklega í D-moll (ykkur er væntanlega drullusama). Lagið var einhvernveginn með reggae grunni en samt var eitthvað salsa í því. Já, það hljómaði ótrúlega einkennilega.

Á morgun er stefnan tekin á Café Roma fyrir skóla, annan morguninn í röð, sem yrði met. Ég þarf að flytja fyrirlestur um samanburð á áhrifum matarmenningar á ímynd Ítalíu og Danmerkur. Það hljómar kannski jafn einkennilega og lagið sem ég samdi.

Ég nenni ALLS ekki að skrifa neitt gáfulegt. Og enn síður eitthvað heimskulegt, þannig að þetta blogg verður bara skraufþurrt. Drekkið bara eitthvað meððí...

Ég er farinn einsog innistæðan á tékkar. 130073.

Hvað er þessi sjálfstæðisbelja að gera á bloggsíðunni minni?! Ég vil ekkert hafa hana!
Ef það er mynd af Guðfinnu S. Bjarnadóttur hérna fyrir ofan þá er ég ekki að auglýsa hana.

Þessi fjögur lög eiga það sameiginlegt að takturinn í þeim einhvernveginn lætur mann gera svona töffarasvip þið vitið og takturinn nær völdum á manni. Rosalega einfaldur og grípandi taktur og allt annað í lagiu einhvern veginn löðrandi sveitt og slefandi yfir mann. Prófið að hlusta á þessi lög. Maður gerir svipinn ósjálfrátt!

Gorillaz - Feel Good Inc.
Muse - Supermassive Black Hole
Queens of the Stone Age - Broken Box
Scissor Sister - Tits on the Radio

Datt bara í hug að deila þessu með ykkur.

Ég er farinn að fara á hverjum degi inn á Café Roma og lesa blöðin. Ég er farinn að lesa fréttir og pistla, finna svona smjörþefinn af umræðunni. Ég er í háskóla, ég er búinn að hafa kosningarétt í bráðum fjögur ár og hingað til hef ég ekki vitað neitt um stjórnmál. Eftir því sem ég les meira því vinstrisinnaðri verð ég, því skeptískari verð ég á aðferðirnar sem stjórnvöld á Íslandi beita til að fá sínu framgengt.

Hvað ætli stór hluti þjóðarinnar lesi blöðin á hverjum degi einsog ég? Hvað ætli stór hluti þeirra verði fyrir sömu áhrifum og ég? Hvað ætli séu margir sem vita ekkert um ástandið? Hvað ætli stór hluti þeirra stefni á að kjósa sama flokkinn aftur, og svo aftur?

Guðmundur Steingrímsson er meistari.

Haltu kjafti hvað það er vont veður í Reykjavík! Ég er kominn heim af þessum sökum. Ég var á októberfiest við Háskólann ásamt áttaþúsundsjöhundruðogfjörtíu öðrum gaurum. Það var svo mikið af fólki þarna að ef maður tók eitt skref frá viðmælendum sínum var ekki nokkur leið að finna þá aftur í mannhafinu. Í gær var miklu betri stemning þarna, við sátum með ölkrús og spjölluðum. Í dag stóðum við með öldós og öskruðum.

Ég hitti eða sá: Sævar, Badda, Árna & Auði, Rannveigu frá Brandbjerg, Loga Ásbjörns, Fjólu & Guðnýju, Krístínu & Ingu & Evu úr ferðamálafræðinni, Gumma & Heiðar frá Borgarnesi, Jónsa, Sveinbjörn úr MA, Steina bögg, Jón Árna & Ívar, Jóa, Katrínu Árna & Pétur, Helga Vilberg, Andreu, Kristján rauðhærða, Kötu úr 4.F., Teit, Konna & Bjarka, Stebba G. og örugglega fullt af öðru liði.

Á morgun ætla ég að vakna, setjast við tölvuna og GERA ÞESSI HELVÍTIS VERKEFNI. Ég ætlaði að læra í dag en ég gat það varla útaf októberfestinu í gær. Sú verður ekki raunin í fyrramálið.

Friður.

Helgin:
Þreyta
Vonleysi
Samviskubit
Slen
Leti
Framtaksleysi
Rugl
Vitleysa

Þessi vika:
Dugnaður
Þolinmæði
Athygli
Metnaður
Þrautseygja
Skipulag
Umburðarlyndi
o.fl.

Nú verður tekið á því... ...vonandi